Epekto

Ang mga imigrante ay nais ang parehong mga bagay tulad ng sinumang Oregonian, ang magsikap, suportahan ang kanilang mga pamilya, mag-ambag sa kanilang mga komunidad, at magkaroon ng patas na pagkakataon sa pagbuo ng mas magandang buhay.

Habang matagal nang umaasa ang ating estado sa mga kontribusyon ng mga imigrante sa Oregon sa ating lokal at pang-estadong ekonomiya, sistematikong ibinubukod ng mga patakaran at programa ng estado ang mga tao batay sa kanilang katayuan sa imigrasyon.

Itinatag ang Oregon Worker Relief ng mga grupo para sa katarungan ng mga imigrante sa buong estado upang bumuo ng isang safety net para sa mga immigranteng Oregonian kapag nagkaroon ng mga emergency. Alam mo ba na isa sa walong manggagawa sa Oregon ay imigrante at isa sa 15 bata sa Oregon ay nakatira kasama ang isang miyembro ng pamilya na undocumented?

Ang Oregon Worker Relief ay naging isang tulong-buhay para sa mga imigrante sa Oregon sa pamamagitan ng mga programa kabilang ang Climate Change Fund, Home Fund, Universal Representation, at marami pa. Ang aming pamamaraang pinamumunuan ng komunidad ay nakatulong sa mahigit 110,000 imigrante sa Oregon sa pamamagitan ng tulong-emerhensiya para sa mga magsasaka na nahaharap sa mapanganib na kondisyon sa pagtatrabaho dahil sa matinding init at usok mula sa wildfire, tulong sa upa upang mapanatiling may tirahan ang mga pamilya, at libreng serbisyong pang-interpretasyon at legal sa imigrasyon.

Kung walang aksyon, patuloy na lalalim ang agwat sa yaman sa Oregon batay sa lahi at etnisidad. Sa pamamagitan ng aming modelong nakasentro sa komunidad sa pagtukoy at pagtugon sa mga pangangailangan, ang Oregon Worker Relief ay nasa tamang posisyon upang patuloy na magbigay ng kritikal na suporta para sa mga imigrante sa Oregon.